2015年1月1日星期四

BAND介紹系列【みと先生ファンクラブ】

大家好!我係BAND Ambassador Crystal!
大家係用BAND既時候有冇覺得,
開左個band但係唔知點用,或者唔知開個點樣既band呢?

跟住落黎我會講下我就同我既同學點樣用呢個係香港越黎越受歡迎既app
希望可以inspire到你地啦!

















我地既溫習小組叫做みと先生ファンクラブ,總共有7個人。
係喇,點解會用日文名做band name既呢?
其實係因為我地係大學日文班既同學,
仲覺得教我地既Sensei (老師)cute ,所以就改左個名,
叫做ensei老師Fan club喇!
咁到底一個溫習小組可以點樣用BAND?


1.      相簿

我地首先睇下相簿。呢一本相簿有我地平時上堂影低既相,
好似Sensei係螢幕上show出黎既野,就算抄唔切都可以係呢到搵返。
仲緊係唔少得同學做睡王子、睡公主既「床照」啦… XD





















2.      投票

入到大學,大家既時間表都唔同,
有時要約出黎溫書或者食飯,可能都幾麻煩。
但係有BAND既投票功能之後,我地就好容易揀到日子出黎溫書喇!
臨近Final,我地就提議左幾個時間,一齊係大學到溫日文。
禁幾個掣就可以揀自己幾時得閒,
比起要係咁Copy & paste同打自己名,真係方便好多。
如果冇左呢個功能,我諗我地又好大機會約唔成喇 L
























3.      檔案分享

同中小學唔同,大學既學習模式,
就係要自己搵唔同既資料或者資源黎輔助學習,
而呢D資源就係我地平時叫開既「梳史」喇!
有時唔想又使幾舊水買書,但係又懶得自己搵既時候,
可以搵下D好同學(例如我) 分享下D梳史比大家既…XD 
我地會係BAND入面Upload唔同既File,
例如1D額外既書,或者Powerpoint等等。
可能你地會問,咁咪即係要用電話黎開返D file?
唔使咁辛苦既,其實只要係電腦上band.us,
就可以用電腦輕鬆存取每個BAND入面既File。
講真,如果嫌電話太細,打字唔方便既話,
都可以轉用電腦繼續吹水丫嘛!呢個亦都係BAND方便既地方!






















4.      行事曆、活動

有學過外語,尤其係大學讀外語既同學仔都知道,
要學好一門外語,背後係要付出好多好多既努力架
Lecturer為左鞏固我地上堂學到既知識,就比左好多功課同小測我地(>_<) 
有時一個唔覺意就真係會Miss左唔記得交架!
所以為左唔好再做大頭蝦,
我利用左BAND既月曆同活動功能,開設唔同既「活動」,
提醒其他同學同自己,幾時有D咩要交同做。
就好似圖入面咁,我地特登Mark低左幾時考Final
仲寫埋係邊到考,咁就唔使驚唔記得或者去錯地方啦。
仲有呀,唔止可以開返BAND黎睇,或者睇通知,
仲可以Save落自己電話個月曆到架






















5.      貼文

雖然BAND都有group chat呢個功能,
但係我地比較鐘意係board到直接貼文,
可以即時記低之餘,以後都容易搵返,真係方便又快捷
有時上堂講左D好笑既野,我地都會即刻係band入面post野。
例如有一次教緊新既句型,教我地點樣表達將來想做既野;
Lecturer問我隔離位既同學,畢左業之後想做咩野。
我同學就話想即刻去旅行 (ryokou)
點知老師聽左做「即刻去結婚 (kekkon)」,笑到我地碌地。
而為左記住呢個咁珍貴既時刻,我就即係打低左呢句野係我地個BAND























佢地點睇?

D同學都覺得BAND功能好齊全,好適合一班人一齊用,
又可以約時間溫書、出街、食飯,
又可以提醒咁多個成員,邊個生日同幾時有咩要做,
仲有分享唔同既檔案,而呢D都係現有既社交網站或者App做唔到既。

睇左咁多,唔知可唔可以為你地帶黎少少頭緒呢
希望你地睇完之後,都會好似我地咁,開始鐘意用BAND啦!

沒有留言:

發佈留言